Donald Trampın Rusiya Prezidenti Putinlə görüşə hazırlaşması barədə xəbərlər getdikcə daha da intensivləşir. Bu məlumatların istinad nöqtəsi isə əlbəttə ki yeni seçilmiş prezidentin özüdür. O isə bildirir ki, hazırda Rusiya prezidenti Vladimir Putinlə görüşünə hazırlıq gedir. Bu məlumatı Donalda Tramp Floridada Mar-a-Laqoda iqamətgahında Respublikaçı qubernatorlarla görüşməzdən əvvəl jurnalistlərə müraciətində deyib. Amma Trampın bu məlumatı ona uyğun manerada səsləndirilib: "O, görüşmək istəyir və biz hazırlıq görürük". Yəni görüşmək istəyən və eləcə də müharibəni bitməsinə ən çox çalışan Putindir. Bu da o mənanı verir ki. Rusiya bu münaqişədə artıq zəif düşən tərəfdir və Putin ona görə də görüşmək və döyüşləri dayandıraq istəyir.

Trampın Putinlə görüş hazırlığı barədə məlumatın birinci tərəfindən bu səpkidə açıqlanmasına Rusiyadan hələ ciddi reaksiya yoxdur. Amma heç şübhəsiz bu qarşılıq müsbət ruhda olmayacaq. Bəlkə Trampın bu təqdimat forması elə görüşdən qaçmaq məqsədi daşıyır? Putinin cavabı hər şeyi aydınlaşdıracaq. Tramp isə davam edir:
“Prezident Putin görüşmək istəyir. O, bunu hətta açıq şəkildə deyib və biz bu müharibəni bitirməliyik”.

Əlimusa İbrahimov, politoloq