Braziliya və ABŞ prezidentləri, Luiz İnasio Lula da Silva və Donald Tramp oktyabrın 26-da Malayziyada ikitərəfli görüş keçirəcəklər,

Newscenter.az TASS-a istinadən bildirir ki, "Globo" qəzeti Braziliya liderinin köməkçisi bu barədə xəbər verib.

Onun sözlərinə görə, görüş Malayziyanın ev sahibliyi edəcəyi Cənub-Şərqi Asiya Ölkələri Assosiasiyasının (ASEAN) sammitinin açılış günündə baş tutacaq. Trampla danışıqlardan sonra Braziliya prezidentinin Hindistanın baş naziri Narendra Modi ilə ikitərəfli görüşü planlaşdırılıb.

ASEAN sammitindən əvvəl Lula da Silva İndoneziyaya dövlət səfəri də edəcək.

Qeyd edək ki, oktyabrın əvvəlində Braziliya və ABŞ liderləri telefon danışıqları aparıb və yaxın gələcəkdə ikitərəfli görüş barədə razılığa gəliblər. Daha sonra Braziliyanın xarici işlər naziri Mauro Vieira və ABŞ dövlət katibi Marko Rubio Vaşinqtonda görüşərək, Ağ Evin Braziliya üçün qüvvədə olan tariflərə mümkün yenidən baxılmasını müzakirə ediblər.

Mehman Mehdiyev