ABŞ Ukrayna hakimiyyətinə ciddi təzyiqləri artırır. V.Zelenskinin administrasiyasının rəhbəri A. Yermak Anti -Korrupsiya Bürosunun onun evində axtarış apardıqdan sonra, istefaya gedib. Ukraynada baş verənlər Rusiya prezidenti V. Putinin siyasi maraqlarına uyğundur. Bundan istifadə edən V. Putin Ukrayna hakimiyyətinə təzyiqləri artıracaq.

Qeyd edim ki, Rusiyada korrupsiya Ukraynadan qat-qat artıqdır. Təssüf ki, müharibə və işğala məruz qalan Ukrayna siyasi sistemində monolitlik yoxdur.

Müxalifət və digər mərkəzlər hakimiyyətin üzərinə getməklə, prezidentin apardığı siyasətə böyük zərbə vururlar. Bu gün Ukraynanı demokratiya adı altında Rusiya qarşısında təslimçi sülhə məcbur edirlər. Burada Ukraynanin kütləvi informasiya vasitələrində çalışan bir çox jurnalistlər və hakimiyyətə təzyiq edən müxalifətdə məsuliyyət daşıyır. Vətəndaş cəmiyyəti, Kütləvi informasiya vasitələrində və müxalifətdə anaqoya hökm sürür. Hazırda prezidentdən izahat istəyib, onu küncə sıxışdırırlar. Nəticədə Rusiya prezidenti baş verənlərdən məmnun görünür.
Ümumiyyətlə, Ukrayna cəmiyyəti daima korrupsiya və rüşvətin içində olub. Bundan sonra da belə davam edəcək. Biri gedib, o biri gələcək.

Təbii ki, korrupsiya qarşı mübarizə lazımdır. Amma, hazırkı müstəvidə bunu təzyiq vasitəsi kimi istifadə edib, V.Zelenskini ya təslim aktına imza atmağa, ya da istefaya məcbur edirlər. V. Zelenski istefa verərsə, Ukraynada cəbhə xətti çökə bilər. Nəticədə cəbhə xətti çökdüyünə görə, D. Trampın təslimçi planın imzalamağa hazır olan birini ortaya ata bilərlər. Təbii ki, bu ssenarinin baş tutmaması üçün V. Zelenskini qorumaq Avropanın boynuna düşür. Baş verənlər Avropanın təhlükəsizliyini təhdid edir. V. Putinə təkcə Ukraynanı deyil, Şərqi Avropanı istəyir.

Məhəmməd Əsədullazadə, politoloq