Bolqarıstan Milli Assambleyası (parlament) baş nazir Rosen Jelyazkovun rəhbərlik etdiyi hökumətin istefasını qəbul edib.

Newscenter.az TASS-a istinadən bildirir ki, hökumətin istefası parlamentin 227 üzvünün yekdilliklə səs verməsi ilə qəbul olunub. İclas qanunverici orqanın veb saytında yayımlanıb. Hökumətin istefası 11 dekabrda parlament kanslerliyinə təqdim edilib.

Jelyazkovun kabineti davamlılığı təmin etmək üçün yeni Bolqarıstan hökuməti seçilənə qədər vəzifəsində qalacaq. Bolqarıstan hökumətinin istefası, "Dəyişikliklərə Davam Et" partiya bloku, Demokratik Bolqarıstan koalisiyası (PP-DB) və digər müxalifət üzvlərinin təşəbbüsü ilə ölkənin şəhərlərində on minlərlə insanın iştirak etdiyi genişmiqyaslı dinc etirazlar fonunda baş verib.

Qeyd edək ki, Jelyazkov 16 yanvar 2025-ci ildə baş nazir seçilib və 10 ay 25 gün vəzifədə olub.

Cavid