İsrailin Qəzzada həyata keçirdiyi hərbi əməliyyatlar nəticəsində ölənlərin sayı 72 min 117-yə çatıb. Yaralıların sayı isə 171 min 801 nəfər olub.

Newscenter.az xəbər verir ki, bu barədə məlumatı Fələstin Hökumətinin Səhiyyə Nazirliyi yayıb. Bildirilib ki, təkcə son 24 saat ərzində Qəzzadakı xəstəxanalara 4 cəsəd gətirilib.

Məlumata görə, Qəzzada atəşkəsin qüvvəyə mindiyi 10 oktyabr 2025-ci ildən bəri 633 nəfər həlak olub, 1703 nəfər yaralanıb və 753 cəsəd dağıntılar altından çıxarılıb.

Qəzza zolağında dağıntılar altında hələ də minlərlə cəsədin olduğu bildirilir.

Anar