Tehranın Vaşinqtona etibarını itirməsi fonunda ABŞ-ın İranın şimal sərhədindəki nəqliyyat layihəsində ("Tramp marşrutu") iştirakı potensial təhlükəsizlik riskləri prizmasından nəzərdən keçiriləcək.

Newscenter.az TASS-a istinadən bildirir ki, bunu Rusiyanın Ermənistandakı səfiri Sergey Kopırkin bildirib.

"Ermənistan və Azərbaycan arasında sülhün əldə edilməsində əhəmiyyətli irəliləyiş bölgədəki vəziyyətə müsbət təsir göstərir. Lakin ABŞ və İsrailin hücumuna məruz qalan İran ətrafında gərginliyin artması nəticəsində yaranan Yaxın Şərq böhranının dalğaları Cənubi Qafqaza çatır. Bu baxımdan, Ermənistan rəhbərliyi artıq mediada "Tramp marşrutu" layihəsinin son tarixlərinin geri çəkildiyini qeyd edib. Aydındır ki, danışıqlar adı altında hərbi zərbələr hazırlayan Tehranın Vaşinqtona etibarını itirməsi nəzərə alınmaqla, Amerikanın İranın şimal sərhədlərindəki nəqliyyat layihəsində iştirakı İran dövləti üçün potensial təhlükəsizlik riskləri prizmasından qəbul ediləcək", - deyə o bildirib.

Səfir qeyd edib ki, qlobal iqtisadiyyat üçün dünyanın əsas su yollarından biri olan Hörmüz boğazı ətrafındakı mövcud gərginlik müzakirə olunur.

"Aydındır ki, yanacaq, gübrə və qida məhsullarının qlobal qiymətlərindəki dalğalanmalar Cənubi Qafqaz ölkələrinə təsir etməyə bilməz", - deyə səfir vurğulayıb.

Anar