
Networkstan şirkətinin həmtəsisçisi Loğman Məmmədov və direktoru Vüqar Mirzəyev Özbəkistan Eksportçılar Assosiasiyasının rəhbəri Yorqin Malikov ilə görüş keçiriblər.
Newscenter.az-a şirkətdən daxil olan məlumata görə, görüş zamanı Özbəkistan bazarına daxil olmaq istəyən şirkətlər üçün mövcud güzəştlər və imkanlar, şirkətlərin bazara çıxışı və ixrac prosesləri barədə fikir mübadiləsi aparılıb.

Həmçinin Özbəkistandan Azərbaycana məhsulların birbaşa sahibkarlardan çatdırılması, ixrac imkanlarının genişləndirilməsi və iki ölkənin sahibkarları arasında birbaşa ticarət əlaqələrinin qurulması məsələləri müzakirə edilib.
Görüş çərçivəsində Azərbaycan və Özbəkistan arasında biznes və ticarət əlaqələrinin inkişaf etdirilməsi, sahibkarlar üçün yeni imkanların yaradılması və gələcək əməkdaşlıq istiqamətləri barədə də söhbət edilib.

Süleyman












































