Qazaxıstanda insan alveri ilə bağlı cinayətlərdə iştirakda şübhəli bilinən iki cinayətkar qrupun Astana və Şimali Qazaxıstan vilayətində fəaliyyəti dayandırılıb.

Newscenter.az "Sputnik Qazaxıstan"a istinadən bildirir ki, cinayətkarlar internet resursları vasitəsilə cinsi istismarla bağlı reklam və qanunsuz fəaliyyətlər həyata keçiriblər.

Nəticədə onlar milyardlarla qazanc əldə ediblər. Cinayətkar qrupun gündəlik gəliri 1,5 milyon tengəyə çatıb, 2024-cü ilin əvvəlindən isə maliyyə dövriyyəsi 1,7 milyard tengeni ötüb.

Axtarış zamanı onlardanpul, bank kartları, avtomobillər, kompüterlər, mobil telefonlar və digər rəqəmsal daşıyıcılar götürülüb.

Anar Əliyev