Türkiyədə sərnişin avtobusunun iştirakı ilə yol-nəqliyyat hadisəsi baş verib.

Newscenter.az trthaber-ə istinadən bildirir ki, hadisə Şanlıurfada qeydə alınıb. Məlumata görə, Şanlıurfanın Siverek rayonunda mikroavtobus və su daşıyan yük maşını toqquşub.

Toqquşma Siverek-Şanlıurfa avtomobil yolunun 15-ci kilometrliyində olub. Hələlik bəlli olmayan səbəblərə görə, idarəetmədən çıxan mikroavtobus yerli Meşə İdarəsinə məxsus su maşını ilə toqquşub. Qəza zamanı 8 nəfər xəsarət alıb.

Məlumatdan sonra hadisə yerinə səhiyyə, jandarma və polis qrupları göndərilib.

Təcili yardımla Siverek Dövlət Xəstəxanasına aparılan yaralıların vəziyyətinin sabit olduğu və həyati təhlükəsi olmadığı bildirilir.

Arzu