Dəməşqin Dördüncü Cinayət Məhkəməsi Suriyanın keçmiş prezidenti Bəşər Əsədin əmisi oğlu Vasim əl-Əsədi ölüm hökmünə məhkum edib.

Newscenter.az xəbər verir ki, bu barədə Suriya TV məlumat verib. Məlumata görə, məhkəmə Vasim əl-Əsədi bir neçə nəfərin qəsdən öldürülməsində, işgəncə ilə əlaqəli qətldə və vətəndaş müharibəsi və məzhəb münaqişəsini qızışdırmağa yönəlmiş hərəkətlərdə təqsirli bilib. O, həmçinin müharibə cinayətləri və insanlığa qarşı cinayətlər təşkil edən qanunsuz həbs və işgəncələrdə ittiham olunub.

Məhkəmə həmçinin onu daimi əlilliklə nəticələnən qəsdən bədən xəsarəti yetirmə və fırıldaqçılıqda ittiham edərək hər biri üçün üç il həbs cəzasına, eləcə də 1000 Suriya funtu cəriməsinə məhkum edib. Cəzalar birləşdirildikdən sonra məhkəmə ikisindən daha sərtini - ölüm cəzasını qüvvədə saxlayıb.

Məhkəmə onun daşınar və daşınmaz əmlakının müsadirə edilməsi barədə də qərar verib.

Anar