Ermənistanın müxalif Ana Ermənistan partiyasının lideri Andranik Tevanyana qarşı dövlətə xəyanət işi üzrə ilkin istintaq başa çatıb.

Newscenter.az xəbər verir ki, bu barədə partiyanın Facebook sosial şəbəkə hesabında məlumat verilib. Məlumata görə, sənədlər artıq məhkəməyə təqdim ediləcək.

Bundan əlavə, Tevanyana qarşı istintaqda təqsirləndirilən şəxs olan partiya idarə heyətinin üzvü Areqnaz Manukyana qarşı iş məhkəməyə təqdim ediləcək. 9 iyulda Ermənistan İstintaq Komitəsi Manukyanın dövlət sirri olan məlumatları açıqlamaqla bağlı cinayət işi ilə əlaqədar həbs olunduğunu elan etdi. Elə həmin gün Yerevan Baş Yurisdiksiya Məhkəməsi ona qarşı iki ay müddətinə həbs qətimkan tədbiri seçdi. 12 iyunda İstintaq Komitəsinin əməkdaşları Tevanyana qarşı cinayət işi çərçivəsində Manukyanın evində axtarış aparıblar.

Mayın 20-də Ermənistanın Baş naziri Nikol Paşinyan Vanadzorda keçirilən seçki kampaniyası zamanı keçmiş parlament üzvü Tevanyanın xəyanət etdiyini və Milli Təhlükəsizlik Xidmətinin bu məlumatı Ermənistan İstintaq Komitəsinə göndərəcəyini açıqladı.

Anar