Newscenter.az.4.12.2021. Beynəlxalq Miqrasiya Təşkilatının (BMqT) Azərbaycan nümayəndəliyi Koreya Beynəlxalq Əməkdaşlıq Agentliyinin maliyyə dəstəyi ilə həyata keçirdiyi “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsinə həsr olunmuş “Kəhrizlər – su və həyat mənbəyidir” başlıqlı foto sərgi və konfrans keçirdi.
Newscenter.az xəbər verir ki, tədbirdə Prezident Aparatının, Nazirlər Kabinetinin, bir sıra nazirlik (İqtisadiyyat Nazirliyi, Ekologiya və Təbii Sərvətlər Nazirliyi, Kənd Təsərrüfatı Nazirliyi, Xarici İşlər Nazirliyi) və dövlət qurumlarının (Qaçqınların və Məcburi Köçkünlərin İşləri üzrə Dövlət Komitəsi, Melorasiya və Su Təsərrüfatı ASC, Azərsu ASC, Dövlət Neft Şirkəti), BMT-nin ölkədəki agentliklərinin, səfirliklərin, donor və tərəfdaş təşkilatların, təhsil və vətəndaş cəmiyyəti qurumlarının nümayəndələri, layihənin icra edildiyi rayonlardan icra hakimiyyəti təmsilçiləri, icma üzvləri, layihə mühəndisləri və kəhriz ustaları iştirak edirdi.
Giriş nitqi ilə çıxış edən BMqT-nin Azərbaycandakı nümayəndəliyinin rəhbəri cənab Vladimir Qorjiyev, BMT-nin Azərbaycandakı rezident Əlaqələndiricisi Vladanka Andreyeva və Koreya Beynəlxalq Əməkdaşlıq Agentliyinin ölkə üzrə Direktoru cənab Moon Jong Hyun tədbir iştirakçılarını salamlayaraq kəhrizlərn bərpasını nəzərdə tutan layihənin insanlar üçün əhəmiyyətindən danışdılar.
Açılış nitqində Vladimir Qyorqiyev ətraf mühit üzrə ən nüfuzlu mükafat sayılan Qlobal Enerji Mükafatının 2021-ci il üzrə milli qalibi seçilməsinin bu layihənin insanlar və ətraf mühitin davamlılığı üçün əhəmiyyətini və vacibliyini göstəricisi olduğunu qeyd etdi və kəhrizlərin bərpasında nümayəndəliyin dünyada ilk dəfə olaraq tətqbiq etdiyi yeni texnoloji metadologiyanın əhəmiyyətini vurğuladı: “İnnovativ texnologiyanın tətbiqi ilə kəhrizlərin bərpası prosesi daha effektiv və təhlükəsiz olmuşdur. Bu innovativ kəhriz bərpası texnologiyası böyük potensiala malikdir və hətta Azərbaycanın hüdudlarından kənarda da yeni ekoloji su təchizatı sistemlərinin bərpası və tikintisində istifadə oluna bilər”.
Xanım Vladanka Andreyeva kəhrizlərin bərpası layihəsinin Azərbaycanın Dayanıqlı İnkişaf Məqsədlərinə çatmaq istiqamətində səylərinə töhfə verdiyini qeyd edərək kəhrizlərin bərpasının Azərbaycan üçün əhəmiyyətini vurğuladı.
Açılıqş nitqlərindən sonra kəhrizlərin bərpasında tətbiq olunan yeni texnologiyalrın işini əks etdirən film nümayiş olundu və layihə çərçivəsində fəaliyyəti əks etdirən fotoşəkillər, çap olunmuş kitab və nəşrlərdən ibarət sərgiyə baxış keçirildi.
Tədbir öz işini layihənin cari icrası ilə bağlı, Azərbaycan və İngilis dilində hazırlanmış Azərbaycanda kəhrizlərin Atlası, Kəhrizlər üzrə Milli Baş Planın, Aqrar Universitetinin nəzdində yaradılmış Kəhriz İnformasiya və Tədqiqat Mərkəzi və Universitetdə Kəhriz Mühəndislik kursunun tədrisi ilə bağlı təqdimatlar, həmçinin kəhrizlərin bərpasında çalışan ustaların və icma nümayəndələrinin çıxışları dinlənildi.
Kəhrizlərin bərpası BMqT-nin Azərbaycanda həyata keçirdiyi ən mühüm və zamanında həyata keçirilən tədbirlərdən biridir. Nümayəndəlik 1998-ci ildən etibarən Azərbaycanda kəhrizlərin bərpası ilə məşğuldur. Həmin vaxtdan Azərbaycanın müxtəlif bölgələrində müxtəlif layihələr çərçivəsində 166 kəhriz bərpa edilib. Uğurlu keçmiş və unikal təcrübəsinə əsaslanaraq, nümayəndəlik hazırda KOICA-nın maliyyə dəstəyi ilə ənənəvi, dayanıqlı su təchizatı sistemi olan kəhrizlərin bərpası yolu ilə regionlardakı əhalinin təhlükəsiz və ardıcıl su təchizatı ilə təmin etmək üçün dörd illik layihəni həyata keçirir. Əvvəlki layihələr kimi, cari layihə də gender, idarəetmə və ətraf mühitin mühafizəsi kimi məsələlərə xüsusi diqqət yetirərək icma əsaslı yanaşmanı həyata keçirməyə davam edir.
Umümilikdə layihə Azərbaycanın BMT-nin Dayanıqlı İnkişaf Məqsədlərinin (DİM) prinsiplərini həyata keçirilməsi səylərinə bir sıra istiqamətlərdə töhfə verir. Bu istiqamətlərə yoxsulluğa son qoyulması və qida təhlükəsizliyinin təmin edilməsinə birbaşa təsiri olan ev təsərrüfatlarının daxili ehtiyacı və suvarma suyu ilə təmin edilməsi (1-ci Məqsəd), qadınların imkanlarının artırılması və qərar vermə proseslərində iştirakının təmin olunması, aid olduqları icmalarda liderlik rollarının artırılması (5-ci Məqsəd), ekoloji cəhətdən təmiz və dayanıqlı su təchizatı sistemlərinin bərpası, kəhrizlər və təhlükəsiz içməli suya əlçatanlığın gücləndirilməsi (6-cı Məqsəd) daxildir.
Sevinc
