Rəcəb Tayyib Ərdoğanın mayın 28-də keçirilən prezident seçkilərinin ikinci turunda inamlı qələbə qazanaraq yenidən Türkiyənin dövlət başçısı seçilməsi bəzilərinin heç də ürəyincə olmayıb. Əsas etibarilə də ənənəvi olaraq antiTürkiyə mövqeyi ilə seçilən ölkələr və onların rəhbərləri, siyasi dairələri Ərdoğanın qələbəsindən məyus olublar. Onlardan biri də Hollandiya Azadlıq Partiyasının sədri Geert Wildersdir. O, ölkəsində yaşayan və Ərdoğana səs verən türk vətəndaşlarına çantalarını toplayıb Türkiyəyə dönmələrini tövsiyə edib.

Newscenter.az-ın xəbərinə görə, məsələ ilə bağlı fikirlərini ifadə edən siyasi ekspert Çingiz Şahbazi deyib ki, Qərbdə bu kimi xəstə təfəkkürlü insanlar çoxdur:

"Bu da onlardan biridir. Görəsən bu adamı türk xalqının kimi seçib, kimi seçməməsi bu qədər niyə maraqlandırır Görəsən bunlar türk xalqının seçiminə niyə hörmət etmək istəmirlər? Ərdoğana səs verənlər mənim ölkəmi tərk etsin deyənlər, kimə və nəyə xidmət edirlər?"

Ekspert hesab edir ki, Rəcəb Tayyib Ərdoğan bunların dilini daha yaxşı anlayır və yuxarıdakı sualların cavabını tezliklə onlar üçün verəcək.

Anar Əliyev