"Moskvaya PUA hücumunun ardıcıl xarakter alması Rusiyanın qalan imicini də yerlərdə sürümək məqsədi daşıyır. Rusiya elə duruma düşüb ki, dövlətin paytaxtını qoruya bilmir".

Bu fikirləri Newscenter.az-a BAXCP sədrinin müşaviri, politoloq Azər Qasımov Ukrayna PUA-larınn Moskvaya hücumu və buna Rusiyanın daha sərt cavab zərbəsi endirməsi mümkünlüyü barədə danışarkən səsləndirib. O bildirib ki, Rusiyan Kiyevə qarşı edə biləcəyi bütün pislikləri edib. Bundan sonra edə biləcəyi yeni heç nə yoxdur:

"Nüvə silahı ilə hədələr isə zəiflik əlamətidir. Vaxt var idi ki, Rusiyanın ordusu deyəndə, hamı bundan çəkinirdi. İndi bu, gülüş doğurur. Nüvə silahından ancaq axmaqlar istifadə edə bilər. Hesab edirəm ki, Rusiya gülünc günə düşsə də, hələlik bir o qədər ağlını itirməyib".

Anar Əliyev