Ermənistanın bir müddətdir şərti sərhəd boyunca təxribatlar törətməsi, eləcə də mövqelərimizi sistemli olaraq atəşə tutması Azərbaycanı müəyyən adekvat addımlar atmaq məcburiyyətində qoyur. Ən son Laçındakı sərhəd buraxılış məntəqəsinin düşmən tərəfindən atəşə məruz qalması və bir sərhədçimizin yaralanması Bakını qəti addımlar atmağa sövq edir. Bu addımlar sırasında Laçın sərhəd buraxılış məntəqəsinin fəaliyyətinin müvəqqəti bağlanması istisna edilmir. Elə hərbi ekspert Ədalət Verdiyev də bunu mümkün hesab edir.

Newscenter.az-ın xəbərinə görə, Ədalət Verdiyev deyib ki, Ermənistan tərəfinin son təxribatları Laçın sərhəd keçid məntəqəsinin fəaliyyətini müvəqqəti dayandırmaq zərurəti də yaradıb.

Məlumat üçün qeyd edək ki, bu gün Laçın sərhəd buraxılış məntəqəsi Ermənistan tərəfindən atəşə tutulub. Nəticədə bir əsgərimiz düşmən gülləsindən xəsarət alıb.

Anar Əliyev