İyulun 2-nə keçən gecə Rusiya ordusu “Şahed” tipli kamikadze dronları ilə Ukraynanın paytaxtı Kiyevə hücum edib.

Newscenter-az “RBC Ukraina”ya istinadən xəbər verir ki, bu barədə Kiyev şəhər Hərbi Administrasiyasının başçısı məlumat yayıb.

Məlumata görə, düşmənin bütün hədəfləri Ukraynanın hava hücumundan müdafiə qüvvələri tərəfindən məhv edilib.

Administrasiyanın rəhbəri Sergey Popko qeyd edib ki, bu, son 12 gündə paytaxta ilk hücumdur.

"Hava Hücumundan Müdafiəmizin qüvvə və vasitələri ilə Kiyev ətrafındakı hava məkanında bütün düşmən hədəfləri aşkar edilərək məhv edilib. Əla iş üçün səmamızın mühafizəçilərinə təşəkkür edirik!

Hələlik tələfat və dağıntılar barədə məlumat yoxdur”, - Popko bildirib.

Anar Tağıyev