Şimali Atlantika Alyansının baş katibinin müavini Mirça Coana deyib ki, NATO Vilnüsdə keçiriləcək sammitdə Moldovanın təhlükəsizliyinə zəmanət verə bilməyəcək.

Newscenter.az xəbər verir ki, o, bu barədə “Digi 24” telekanalının efirində danışıb.

Onun sözlərinə görə, müttəfiqlikdə respublikaya qüsursuz, fəal və hərtərəfli dəstək var.

NATO baş katibinin müavini Moldova prezidenti Maia Sandunun neytral ölkə olmağın zəiflik demək olmadığını müdafiə edən sözlərini xatırladıb.

“Buna görə də biz təhlükəsizlik təminatlarından danışa bilmərik, lakin Moldovanın Avropa yoluna daxil olması həm də Aİ, NATO ilə təhlükəsizlik əlaqələrinin təkamülünü nəzərdə tutur”, - Coana bildirib.

Bundan əvvəl Moldovanın keçmiş prezidenti İqor Dodon respublikanın indiki rəhbərliyinin ölkənin suverenliyinin itirilməsinə yol verdiyini etiraf edib. O, özünün teleqram kanalında qeyd edib ki, indiki hökumət Qərbin göstərişi ilə müəyyən addımlar atır.

Anar TAGİYEV