Ümummilli lider Heydər Əliyevin zəngin həyat yolu və dövlətçilik irsindən bəhs edən “Milli Dövlətçiliyimizin Simvolu” adlı yeni kitabı işıq üzü görüb.

Newscenter.az-ın xəbərinə görə bu barədə kitabın müəllifi, siyasi elmlər doktoru, professor, Gürcüstan Beynəlxal münasibətlər və politologiya Akademiyasının akademiki Vaqif Abdullayev məlumat verib. Vaqif Abdullayev bildirib ki, yaxın günlərdə sözügedən kitab ictimaiyyətə təqdim ediləcək:

"İyulun 13-də, saat 11.00-da Atatürk Mərkəzində Ulu öndər Heydər Əliyevin hakimiyyətə gəlişinin 54 illiyinə və Ümummilli liderin zəngin həyat yolu və dövlətçilik irsindən bəhs edən “Milli Dövlətçiliyimizin Simvolu” adlı yeni kitabımın təqdimatına həsr olunmuş tədbir keçiriləcək".

Anar Əliyev