"Bu gün təhsil müəssisələrində vətənpərvərlik qədər narkomaniyaya qarşı da sistemli şəkildə maarifləndirici tədbirlər keçirilməlidir. Çünki gənclərimiz faktiki olaraq narkomaniya bəlası ilə üz-üzədirlər".

Bu fikirlər "Təhsilə Dəstək və Maarifləndirmə" İctimai Birliyinin açıqlamasında yer alıb. Mərkəzdən Newscenter-az-a daxil olan açıqlamada bildirilib ki, ildən-ilə narkomaniyanın gəncləşməsi, onun orta məktəblərə ayaq açması zəruri və təxirəsalınmaz tədbirlərin həyata keçirilməsini qaçılmaz edir:

"Hesab edirik ki, dövlət və onun müvafiq qurumları, təhsil müəssisələri və ictimai təşkilatlar bu məsələdə koordinasiyalı şəkildə işləməlidirlər".

Mehman Mehdiyev