Belçikanın paytaxtı Brüsseldə böyük supermarketlər sata bilmədikləri, lakin hələ də istifadəyə yararlı olan ərzaq məhsullarını atmaq əvəzinə, əhaliyə bağışlamağa məcbur olacaqlar.

Newscenter.az trthaber-ə istinadən bildirir ki, Brüssel Bölgəsi hökumətinin tullantıları azaltmaq qərarı ilə 1000 kvadratmetrdən böyük olan supermarketlər 2024-cü ildən etibarən satılmamış, lakin istifadə müddəti bitməyə yaxın olan xeyriyyə təşkilatlarına bağışlamalı olacaq.

Yeni qanuni tələbin şəhərdəki 100-ə yaxın supermarketi əhatə edəcəyi bildirilir.

Brüssel Bölgəsi hökumətinin sosial yardım naziri Alain Maron şəhərdə yaşayan 70 min insanın ərzaq yardımına ehtiyacı olduğunu bildirib.

Natiq Orucov