İzmir və Bodrum MICHELIN Guide Müfəttişləri tərəfindən yoxlanılan iki yeni Türkiyə bölgəsi olaraq İstanbula qoşulur.
Newscenter.az xəbər verir ki, bu iki məşhur və turistik məkana qədər gəlib çatan bu genişlənmə Türkiyənin zəngin və həyəcanverici gurme bölgəsi olduğunu təsdiqləyir.
9 Noyabr 2023-cü il tarixində İstanbulda keçiriləcək mərasimdə İstanbulla birlikdə İzmir və Bodrum üçün də restoran seçimləri elan ediləcək.
Michelin şirkəti MICHELIN Guide-ın Türkiyənin İzmir və Bodrum bölgələrinə genişlənməsini məmnuniyyətlə elan edir. İzmir və Bodrum üçün ilk MICHELIN Guide restoran seçimləri, İstanbul üçün ikinci seçim ilə birgə 9 noyabr 2023-cü ildə İstanbulda keçiriləcək unikal tədbirdə elan ediləcək.
Türk Egey və Aralıq dənizi mətbəx ənənələri ilə zəngin olan İzmir və ətrafı, şərab marşrutu üzərindəki füsunkar Urla bölgəsi də daxil olmaqla bir çox yemək imkanları təklif edir. Qastronomik və dəbli restoranlarından tutmuş müasir kafelərə, ənənəvi və məşhur yemək məkanlarına qədər İzmir, kulinariyasının müxtəlifliyi ilə seçilir. Çox vaxt yerli gənc aşpazlar tərəfindən idarə olunan və xüsusilə öz irsini müasir şəkildə qiymətləndirməyə can atan çoxsaylı restoranlarda Egey ləzzətləri, təzə tutulmuş balıqlar və zəngin məzələr təklif olunur.
Türkiyənin məşhur yüksək səviyyəli turizm məkanlarından Muğla vilayətində yerləşən Bodrumda, orijinal dəniz ləzzətlərini tərifləyən türk restoranları ilə Asiya və İtalyanların ən populyar olan beynəlxalq mətbəxini təqdim edən restoranların möcüzəvi qarışığı isə, xüsusilə maraqlı yemək səhnəsi yaradır. Burada lüks kurortlar ən yaxşı yemək təcrübələrinə və yaradıcılığa diqqət yetirirlər.
MICHELIN Guide-ın Beynəlxalq Direktoru Gwendal Poullennec şərh etdi: “Keçən il İstanbula getdikdən sonra müfəttişlərimiz İzmir və Bodrumu yol xəritələrinə daxil etməkdən məmnundurlar. Həqiqətən də, bu iki yer təkcə unudulmaz mədəni və turistik təcrübələr üçün əla yerlər deyil, həm də kəşf olunmağa layiq kulinariya mənzərələrinə sahibdir. İzmir və ətrafı yerli terroiri tərifləyən və bir çox gənc aşpazların yüksək səviyyəli qastronomik bacarıqlarını nümayiş etdirən maraqlı restoranlar təklif edərkən, Bodrum lüks kurortlarda innovativ konseptlər tapıldığı zaman əksəriyyəti ənənəvi və əlçatan olan restoranların müxtəlifliyi ilə parlayır. Bu iki yeni bölgəni MICHELIN Guide ailəsinə əlavə etməklə, Türkiyənin qaçırılmaz bir qastronomik məkan olduğu mesajını yaymağı ürəkdən ümid edirik”.
Türkiyə Respublikasının Mədəniyyət və Turizm Naziri Mehmet Nuri Ersoy, “İstanbuldan sonra İzmir və Bodrumun “gastrokent” olaraq ön plana çıxması bizi sevindirdi. Təsərrüfatdan süfrəyə yanaşma tərzi ilə bölgənin ən keyfiyyətli məhsullarını birləşdirən istedadlı aşpazlarımız sayəsində təməlində dayanıqlılıq anlayışı olan kulinariya mədəniyyətimizin zənginliyini dünyaya nümayiş etdirə biləcəyik. Bu ləzzətləri dadmaq üçün İzmir və Bodruma gələcək ziyarətçilər Türkegenin firuzəyi sularına, dərin tarixi irsinə, obyektlərin keyfiyyətinə və kruiz turizmindən mavi səyahətə (qulet) qədər məhdudiyyətsiz imkanlara heyran qalacaqlar. Biz türk kulinariya səhnəsinin artan potensialını göstərən bu iki yeni şəhərdən məmnunuq və qarşıdakı illərdə daha çox şəhərlərin əlavə olunacağına inanırıq”.
2022-ci ildə ilk dəfə nəşr olunan MICHELIN Guide Istanbul, 5 Mişelin Ulduzlu (1 İki Mişelin Ulduzlu və 4 Bir Mişelin Ulduzlu), 1 MİŞELİN Yaşıl Ulduzlu və 10 Bib Gomandurlu 53 restoranı tövsiyə etməklə Türkiyə paytaxtının qastronomik potensialını və kulinariya müxtəlifliyini ortaya qoyur. MICHELIN Guide İstanbul müxtəlif mövsümi və xüsusi yeməkləri vurğulamaqla yanaşı, qastronomik bistrodan tutmuş, dəbdəbəli restoranlardan ənənəvi restoranlara qədər müxtəlif növ restoranlara xüsusi işıq salıb.
Əhatə etdiyi bütün istiqamətlərdə olduğu kimi, MICHELIN Guide İzmir və Bodrumun kulinariya dünyasını vurğulayacaq və MICHELIN Guide-ın tarixi və universal metodologiyasına əsaslanaraq onların təklif etdiyi ən yaxşı restoranları tövsiyə edəcək. Anonim və müstəqil müfəttişlər qrupu, sənayenin bütün keçmiş peşəkarları və hazırda Michelin Group-un tam ştatlı işçiləri tərəfindən həyata keçirilən bu metodologiya yalnız tövsiyə olunan yeməyin keyfiyyətinə diqqət yetirir və 5 meyara görə qiymətləndirilir:
– komponentlərin keyfiyyəti;
– yemək bişirmə texnikasının peşəkarlığı;
– ləzzətlərin harmoniyası;
– mətbəx vasitəsilə aşpazın şəxsiyyəti;
– vaxt və bütün menyuda ardıcıllıq.
MICHELIN Guide İstanbul, İzmir, Bodrum 2024-ün bütün restoran seçimləri 9 Noyabr 2023-cü il tarixində İstanbulda keçirilən MICHELIN Guide Mərasimində elan ediləcək. Seçim MICHELIN Guide veb-saytında, həmçinin iOS və Android üçün pulsuz mobil proqramda mövcud olacaq.
R.Mehdiyeva
