Cari ilin 7 ayı ərzində Türkiyə Silahlı Qüvvələri tərəfindən İraq və Suriyada 1327 terrorçunu zərərsizləşdirib.

Newscenter.az xəbər verir ki, bunu Türkiyənin Milli Müdafiə Nazirliyi, İraq və Suriyanın şimalında həyata keçirilən əməliyyatların statistikasını açıqlayarkən bəyan edib. Bildirilib ki, onlardan 57 nəfəri son bir həftədə zərərsizləşdirilib.


Bundan əlavə, dünən İraqın şimalında yerləşən Metina, Qara, Hakurk, Qəndil və Asosdakı terrorçu hədəflərə qarşı həyata keçirilən hava əməliyyatında terror təşkilatının istifadə etdiyi mağara, bunker, sığınacaq, anbar və obyektlərdən ibarət 37 hədəf məhv edilib.

Anar Əliyev