Qazaxıstanın paytaxtı Astanada avtomobillərin və piyadaların hərəkətinə məhdudiyyət tətbiq ediləcək.

Newscenter.az xəbər verir ki, bu barədə "Sputnik Qazaxıstan" məlumat yayıb.

Bildirilib ki, məhdudiyyətlər ictimai-siyasi hadisələrlə əlaqədardır. Avtomobil və piyadalar üçün məhdudiyyətlər avqustun 7-10-u tarixlərində keçərli olacaq.

Məhdudiyyətlərə hazırlıq çərçivəsində avqustun 3-də birgə planlı təlimlər keçiriləcək. Tədbirlər xüsusi dövlət və hüquq-mühafizə orqanlarının, eləcə də Silahlı Qüvvələrin, o cümlədən hərbi aviasiyanın resurslarından istifadəni nəzərdə tutur.

Qeyd edək ki, avqustun 9-da Astanada Mərkəzi Asiya dövlətləri başçılarının altıncı Məşvərət görüşü keçiriləcək.

Anar Əliyev