Türkiyədə daha 25 qeyri-qanuni miqrant batmaq təhlükəsindən xilas edilib.

Newscenter.az trthaber-ə istinadən bildirir ki, bu barədə Sahil Mühafizə Komandanlığı məlumat yayıb.

Bildirilib ki, İzmirin Karaburun mahalı sahillərində yunan ünsürləri tərəfindən yenidən Türkiyə ərazi sularına sıxışdırılan 25 qeyri-qanuni immiqrant xilas edilib, 22 qeyri-qanuni mühacir isə Çeşmə sahillərində saxlanılıb.

Sahil Mühafizə Komandanlığının internet saytında yer alan açıqlamaya görə, Karaburun rayonu sahillərində rezin qayıqda bir qrup qeyri-qanuni mühacirin olması xəbəri alındıqdan sonra bölgəyə qrup göndərilib. Komandalar Yunan ünsürləri tərəfindən Türkiyə ərazi sularına sıxışdırılan 2-si uşaq olmaqla 25 qeyri-qanuni immiqrantı gəmidən çıxarıb.

Çeşmə sahillərində Sahil Mühafizə Gəmisi tərəfindən rezin qayıqda bir qrup nizamsız mühacir aşkar edilib. Komandalar dayanmış rezin qayıqda 3-ü uşaq olmaqla 22 qeyri-qanuni immiqrantı saxlayıb.

Mehman Mehdiyev