İraqın Kərbəla şəhərində Ərbəin mərasimlərində iştirak etmək üçün İran üzərindən İraqa gedən pakistanlıları daşıyan avtobus qəzaya uğrayıb.

Newscenter.az trthaber-ə istinadən bildirir ki, avtobusun aşması nəticəsində 28 nəfər ölüb, 14-ü ağır olmaqla 23 nəfər yaralanıb.

İran dövlət televiziyasının məlumatına görə, hadisə Yəzd əyalətinin Dehşir-Teft magistralında qeydə alınıb.

Ekspertlərin ilkin araşdırmalarına görə, qəzaya avtomobilin əyləc sistemindəki nasazlıq səbəb olub. Avtobusda olan 51 pakistanlı İraqın Kərbəla şəhərində keçirilən Ərbəin mərasimlərində iştirak etmək üçün İrana daxil olub.

Anar Əliyev