Milli Məclisin deputatı Mahir Süleymanlı Şabran şəhəri Samir Zülfüqarov adına 3 nömrəli tam orta məktəbin inzibati binasında vətəndaşlarla növbəti görüşünü keçirib.

Newscenter.az Mahir Süleymanlının deputat ofisinə istinadən bildirir ki, görüş zamanı sakinlər əsasən sosial təminat, məşğulluq, su və qaz təchizatı kimi gündəlik həyatlarına təsir edən mühüm məsələlərlə bağlı müraciətlər ediblər. Vətəndaşların dilə gətirdiyi hər bir müraciət diqqətlə dinlənilib.

Millət vəkilinin səlahiyyətləri çərçivəsində qaldırılan məsələlərin bir qismi yerindəcə həll edilib. Digər müraciətlərin isə aidiyyəti qurumlara yönləndirilməsi və ən qısa zamanda həll olunması üçün müvafiq tədbirlərin görüləcəyi vurğulanıb.



Süleyman İsmayılbəyli