Bakı Dövlət Universitetinin Fizika fakültəsinin Nəzəri fizika kafedrasının laborantı Sevinc Rəhimova vəfat edib.

Newscenter.az xəbər verir ki, bu barədə məlumatı təhsil ocağı yayıb.

Bildirilib ki, Sevinc Rəhimova 1976-cı ildə Bakı şəhərində anadan olub. 1983-1993-cü illərdə Bakı şəhəri 151 nömrəli tam orta məktəbdə, 1993-1997-ci illərdə BDU-nun Fizika fakültəsində bakalavr, 1997-1999-ci illərdə magistr dərəcəsi üzrə təhsil alıb. 2003-2007-ci illərdə BDU-nun Nəzəri fizika kafedrasının qiyabi aspirantı olub. 2001-ci ildən Nəzəri fizika kafedrasının laborantı vəzifəsində çalışıb.

O, 5 elmi məqalənin müəllifi olub. Tədqiqat sahəsi lepton-nuklon qarşılıqlı təsirlərində polyarizə olunmuş lyambda hiperonların yarıminklüziv alınması idi.

BDU rəhbərliyi və kollektivi laborant Sevinc Rəhimovanın vəfatından kədərləndiyini bildirir, ailəsinə dərin hüznlə başsağlığı verir.

Allah rəhmət eləsin!

Mehman Mehdiyev