"Bakı şəhərinin və ətraf bölgələrin nəqliyyat infrastrukturunun inkişafı üçün ən önəmli məsələlərdən biri, şəhər içi nəqliyyatın sıxlığının azaldılmasıdır. Bu məqsədlə, həm ictimai nəqliyyatın inkişafı, həm də yeni alternativ nəqliyyat növlərinin tətbiqi mühüm əhəmiyyət kəsb edir. Həmçinin, Bakıdakı metropoliten xəttinin genişləndirilməsi və yeni xəttlərin inşası, şəhər içi nəqliyyatın daha sürətli və rahat olmasını təmin edə bilər".

Newscenter.az xəbər verir ki, bunları YAP üzvü Aynur Dadaşova deyib. O bildirib ki, son illərdə Bakı şəhərində və onun ətrafında bir sıra iri nəqliyyat layihələri həyata keçirilmişdir:

"Yeni avtomobil yolları, metropolitenin genişləndirilməsi, yeni körpülərin inşası, eləcə də hava limanının və dəniz limanının modernləşdirilməsi bu ərazinin nəqliyyat infrastrukturunu daha müasir və əlverişli edir. Lakin, bu sahədə daha çox işlər görülməlidir, çünki şəhər əhalisinin artması və avtomobil sayının çoxalması nəqliyyat problemlərini artırır".

Anar Əliyev