Özbəkistanda fövqəladə hallar riskinin aradan qaldırılması sahəsində süni intellekt, robototexnika və müasir rəqəmsal texnologiyalar geniş şəkildə tətbiq ediləcək. Bu istiqamətdə islahatları müəyyən edən prezident fərmanı qəbul edilib.
Sərəncama əsasən, əhalinin və ərazilərin fövqəladə hallardan etibarlı mühafizəsi sahəsinin keyfiyyətcə yeni səviyyəyə yüksəldilməsi istiqamətində islahatların aşağıdakı prioritet istiqamətləri müəyyən edilib, o cümlədən:
regionlarda fövqəladə halların erkən qarşısının alınması və nəticələrinin azaldılması fəaliyyətini prioritet vəzifə kimi qəbul etməklə məhəllə səviyyəsində kompleks qabaqlayıcı mexanizmlərin yaradılması və səmərəli həyata keçirilməsi;
fövqəladə hallar sahəsində dövlət nəzarəti formalarının tələblərinə və standartlarına dövrün tələblərinə uyğun yenidən baxılması və onların həyata keçirilməsi mexanizmlərinin transformasiyası üzrə kompleks tədbirlər sisteminin yaradılması;
fövqəladə hallar riskinin aradan qaldırılması sahəsinə süni intellektin, robototexnika və müasir rəqəmsal texnologiyaların geniş şəkildə tətbiqi, bu halların qarşısının alınmasına cavabdeh olan idarə və təşkilatların informasiya sistemlərinin vahid texnoloji platformada birləşdirilməsi.
Əhalinin və ərazilərin fövqəladə hallardan mühafizəsi konsepsiyası çərçivəsində aşağıdakılar dövlət siyasətinin əsas vəzifələri kimi müəyyən edilib, o cümlədən:
fövqəladə halların mühafizəsində “məhəllə” və “məişət” prinsipləri üzrə qabaqlayıcı tədbirlərin həyata keçirilməsi;
Əhalinin, könüllü xilasedicilərin və könüllülərin fövqəladə hallardan mühafizə işlərinə geniş cəlb edilməsi;
monitorinq və proqnozlaşdırma göstəricilərini və fövqəladə halların nəticələrinin, itkilərinin və əhatə dairəsinin müəyyən edilməsi metodologiyasını müasir tələblərə uyğunlaşdırmaq;
yüksək enerji, radiasiya, kimyəvi, yanma və partlayış təhlükələri və digər təhlükə mənbələri olan təsərrüfat obyektlərinin dayanıqlı fəaliyyətini təmin etmək.