İran BMT-dən İslam Respublikasında iğtişaşçıların hüquq-mühafizə orqanlarına və mülki əhaliyə qarşı törətdiyi və Amerika hökumətinin də iştirak etdiyi cinayətləri pisləməsini tələb edir.

Newscenter.az TASS-a istinadən bildirir ki, bu barədə İranın xarici işlər naziri Abbas Əraqçi BMT-nin baş katibi Antonio Quterreş ilə telefon danışığında bildirib.

"Hüquq-mühafizə orqanlarının əməkdaşlarına və adi vətəndaşlara qarşı törədilən dəhşətli cinayətlər, uşaqların və qadınların qətli, insanların yandırılması, xəstəxanalara və tibb mərkəzlərinə hücumlar, çoxsaylı təcili yardım maşınlarının və yanğınsöndürən maşınların yandırılması, məscidlərin və mədəniyyət mərkəzlərinin dağıdılması İŞİD tərəfindən törədilən terrorizmə bənzəyir və onun bir nümunəsidir. Biz BMT-dən bu cinayətləri pisləməyi tələb edirik",-deyə İran XİN rəhbəri söyləyib.

O, həmçinin vurğulayıb ki, Amerika hökuməti İsraillə birlikdə İrana qarşı hərbi təcavüzdə iştirak edir və son iğtişaşlar zamanı silahlı terrorçular tərəfindən yüzlərlə iranlının öldürülməsində məsuliyyət daşıyır.

Süleyman