"ABŞ hərbi aviasiyası İranın Hörmüz boğazında yerləşən mühüm hərbi-dəniz bazasına ev sahibliyi edən Bandar Abbas liman şəhəri yaxınlığını vurub. Zərbələr zamanı İranın raket mövqeləri və dənizə mina düzməyə çalışan hərbi qayıqları hədəf alınıb. CENTCOM bu addımın tamamilə "özünümüdafiə" xarakteri daşıdığını və ABŞ hərbçilərini İran qüvvələrinin təhdidlərindən qorumaq məqsədi güddüyünü açıqlayıb".

Newscenter.az-ın xəbərinə görə, bunları deyən politoloq İlham Musayev qeyd edib ki, zərbələrə baxmayaraq, tərəflər arasında Qətərin vasitəçiliyi ilə gizli danışıqlar davam edir:

"ABŞ Dövlət Katibi Marko Rubio Hindistandan verdiyi bəyanatda sazişin hələ də mümkün olduğunu, Donald Trampın ya "çox yaxşı bir saziş imzalayacağını, ya da ümumiyyətlə heç bir sənədə qol çəkməyəcəyini" bildirib.

Müzakirə olunan 60 günlük müvəqqəti memorandumun sızan əsas şərtləri bunlardır: Hörmüz Boğazının Açılması: İran dünya neft ticarətinin 20%-nin keçdiyi boğazı dəniz nəqliyyatına yenidən açmalıdır.

Uran Şərti: Müharibənin əvvəlində İranın əlində 90%-lik silah dərəcəsinə çox yaxın olan 440 kq zənginləşdirilmiş uran (60%-lik) var idi. Donald Tramp rəsmən tələb edib ki, bu uran dərhal ya ABŞ-yə təhvil verilməli, ya da İran ərazisində tamamilə məhv edilməlidir".

İlham Musayev qeyd edib ki, ancaq Xamneyinin yaralanması danışıqları ləngidir:

"ABŞ kəşfiyyatının yaydığı sensasiyalı məlumata görə, müharibənin ilk günü İsrailin endirdiyi və atasının ölümü ilə nəticələnən zərbədə yaralanan İranın yeni Ali Rəhbəri Müctəba Xamneyi hazırda gizli bir yerdədir. Onun xarici aləmlə əlaqəsinin kəsilməsi Tehranın nümayəndə heyəti ilə kommunikasiyanı çətinləşdirir və ABŞ-la danışıqların sürətini ciddi şəkildə ləngidir. İran XİN rəsmisi İsmayıl Baqai isə mühüm məsələlərdə irəliləyiş olduğunu desə də, yekun imzanın hələ uzaq olduğunu bildirib".

Anar