Samvel Karapetyanın "Güclü Ermənistan" bloku 7 iyunda Ermənistanda keçirilən parlament seçkilərinin nəticələrinin ləğvi tələbi ilə Konstitusiya Məhkəməsinə ərizə təqdim edib.

Newscenter.az TASS-a istinadən bildirir ki, bu barədə "Güclü Ermənistan" blokunun mətbuat katibi Marianna Kaqramanyan məlumat verib.

“19 iyun 2026-cı ildə “Güclü Ermənistan” blokunun nümayəndəsi Aram Vardevanyan Konstitusiya Məhkəməsinə 7 iyun parlament seçkilərinin nəticələrinin ləğvi üçün ərizə təqdim edib. Blok, hakimiyyət orqanları tərəfindən təşkil edilən seçki prosesinin geniş yayılmış və mütəşəkkil pozuntularını əsas gətirərək, Ermənistan Respublikası Mərkəzi Seçki Komissiyasının 14 iyun 2026-cı il tarixli “7 iyun 2026-cı il Milli Məclis seçkilərinin nəticələri haqqında” qərarının ləğv edilməsini və seçki nəticələrinin etibarsız elan edilməsini tələb edir. Həmçinin "Güclü Ermənistan" seçkilərin ikinci turunun təyin edilməsini vacib sayır”, - deyə Kaqramanyan bildirib.

Arzu