Yunanıstanın Baş naziri Kiriakos Mitsotakis sularında tapılan Ukrayna hərbi-dəniz pilotsuz təyyarəsi məsələsini qaldırıb və Vladimir Zelenskiyə hərbi əməliyyatların döyüş zonasından kənarda genişlənməsinin qarşısını almaq zərurəti barədə xəbərdarlıq edib.

Newscenter.az xəbər verir ki, bu barədə Euractiv portalı məlumat verib.

Nəşrin məlumatına görə, Mitsotakis Brüsseldə keçirilən Aİ sammiti çərçivəsində Zelenski ilə görüşüb və hadisə ilə bağlı narahatlığını Ukrayna liderinə çatdırıb.

Qeyd edək ki, may ayında Skai televiziya kanalı yunan balıqçısı İonun dənizindəki Lefkada adası yaxınlığındakı bir mağarada içərisində qoruyucular, çoxlu miqdarda partlayıcı maddə və işləyən mühərrik olan Ukrayna pilotsuz qayığı olan Magura V5 aşkar etdiyi barədə məlumat yaymışdı. Kanalın xəbərinə görə, ekspert qiymətləndirmələri dronun Rusiya limanında yanacaq yükləyən gəmiyə hücum etmək üçün istifadə edilə biləcəyini göstərir. Müxtəlif yerli media xəbərlərinə görə, dronun tərkibində 100 ilə 300 kq arasında partlayıcı maddə olub və bu maddələr bomba zərərsizləşdirmə mütəxəssisləri tərəfindən müsadirə edilərək məhv edilib.

Aygün