Londonun ICE birjasında Brent markalı xam neftin fyuçerslərinin qiyməti 11 iyun 2026-cı ildən bəri ilk dəfə bir barel üçün 90 dolları keçib.

Newscenter.az xəbər verir ki, bu barədə TASS neft bazarlarına istinadən məlumat verib.

Moskva vaxtı ilə saat 01:00-a olan məlumata görə, Brent markalı neftin qiyməti 2,27% artaraq bir barel üçün 90,26 dollara çatıb.

Moskva vaxtı ilə saat 01:06-ya qədər Brent bir barel üçün 90,84 dollara satılırdı (2,92% artım). Bu arada, 2026-cı ilin iyul ayı üçün WTI xam neftinin fyuçersləri 2,78% artaraq bir barel üçün 84,04 dollara çatıb.

Dünya bazarında neftin qiymətinin qalxmasına başlıca səbəb kimi İran ətrafında yenidən gərginliyin yaranması göstərilir.

Anar