2025-ci ildə Özbəkistan dünyanın 210 ölkəsi ilə ticarət əlaqələri həyata keçirib.

Newscenter.az-ın Özbəkistanın Milli Statistika İdarəsinə istinadən verdiyi xəbərə görə, ölkənin xarici ticarət dövriyyəsinin struktur təhlili göstərir ki, aparıcı mövqeləri ənənəvi olaraq üç ölkə tutur. Çin (dövriyyənin təxminən 19-21 faizi), Rusiya (16-18 faiz) və Qazaxıstan (təxminən 6 faiz).

2024-cü ilin sonunda Çinlə ticarət dövriyyəsi 17,5 milyard dollar, Rusiya ilə 13,4 milyard dollar və Qazaxıstanla 5,2 milyard dollar təşkil edib. Beləliklə, Qazaxıstan bir neçə ildir ki, Özbəkistanın üçüncü ən böyük ticarət tərəfdaşı statusunu sabit şəkildə qoruyub saxlayır.

Rəqəmlər göstərir ki, Orta Asiya Özbəkistanın xarici ticarətində həcm baxımından deyil, strateji əhəmiyyət baxımından xüsusi yer tutur. Qazaxıstan ölkənin üçüncü ən böyük ticarət tərəfdaşıdır, Türkmənistan əsas enerji tərəfdaşıdır, Qırğızıstan və Tacikistan isə sərhəd bölgələrinin iqtisadiyyatı üçün həyati əhəmiyyətli bazarlardır. Ümumi dövriyyədə regiondaxili ticarətin payının artırılması təkcə statistik göstərici deyil, həm də Mərkəzi Asiyanı vahid, qarşılıqlı əlaqəli və sabit iqtisadi məkana çevirmək üçün praktik addımdır.

Süleyman