Özbəkistan və Gürcüstan arasında yük daşımaları üçün E-İcazə sistemi tətbiq edilib.

Newscenter.az "Sputnik Özbəkistan"a istinadən bildirir ki, bu barədə Özbəkistan Nəqliyyat Nazirliyinin mətbuat xidməti məlumat verib.

Bildirilib ki, sistem əsasında milli daşıyıcılara "ikitərəfli", "tranzit" və "üçüncü ölkəyə/ölkədən" icazələri yalnız onların müraciətlərinə əsasən elektron formada veriləcək. Bu icazələr əvvəllər istifadə edilən paylanmış formalardan çıxarılıb.

Xüsusilə, yeni sistem icazələrin alınması prosesini sürətləndirməyə, kağız formaların istifadəsini azaltmağa və insan amilini azaltmağa yönəlib. Həmçinin, beynəlxalq daşımalarda milli daşıyıcılar üçün daha rahat və şəffaf mexanizm yaradılacaq.

E-İcazə beynəlxalq avtomobil yük daşımalarının həyata keçirilməsi üçün verilən elektron icazədir və bu, daşıyıcıya başqa ölkənin ərazisinə daxil olmağa, oradan tranzit keçməyə və ya üçüncü ölkəyə/ölkədən yük daşımağa imkan verir.

Süleyman