ABŞ Dövlət Departamenti Türkiyəni Artemis Müqavilələrində iştirakına görə təbrik edərək, Türkiyənin kosmik fəzanın dinc məqsədlərlə araşdırılmasına və istifadəsinə sadiq olduğunu bildirib.


Dövlət Departamenti tərəfindən Türkiyənin Artemis Müqavilələrini imzalaması ilə bağlı yazılı açıqlama verilib.
Bəyanatda deyilir: "Türkiyə bu günə qədər kosmik fəzanın dinc məqsədlərlə araşdırılmasına və istifadəsinə sadiq qalaraq müqavilələri imzalayan 71-ci ölkədir."

"Türkiyə dəyərli NATO müttəfiqidir"
Sazişin 31 avqustda Vaşinqtonda ABŞ rəsmiləri ilə Sənaye və Texnologiya naziri Mehmet Fatih Kacır tərəfindən imzalandığı xatırladılan bəyanatda deyilir: "Türkiyə ABŞ-ın uzun müddətdir müdafiə əməkdaşlığı, regional təhlükəsizlik və ticarət tərəfdaşlığı mövzularında sıx koordinasiya saxladığı dəyərli NATO müttəfiqidir".

Bəyanatda qeyd olunur ki, Artemis Sazişləri 2020-ci ildə Prezident Donald Trampın birinci müddəti ərzində məsuliyyətli kosmik tədqiqatlara rəhbərlik etmək üçün bir sıra praktik prinsiplər toplusu kimi təsis edilib və Türkiyə ABŞ və digər ölkələrlə birlikdə davamlı mülki kosmik fəaliyyətlərlə bağlı sazişlərin prinsiplərini təsdiqləyib.