Son 20 ildə Qazaxıstan Mərkəzi Asiya Regional İqtisadi Əməkdaşlıq (CAREC) ölkələrindən 30 milyard dollardan çox investisiya cəlb edib.

Newscenter.az Akorda-ya istinadən bildirir ki. bu barədə Qazaxıstan baş nazirinin müavini, milli iqtisadiyyat naziri Serik Jumangarin Almatıda keçirilən İkinci Tyan-Şan Forumunun açılışında bildirib.

Onun sözlərinə görə, 2025-ci ilin sonuna qədər Qazaxıstanın MDB ölkələri ilə ticarət dövriyyəsi 14,4% artımla 8,8 milyard dollara çatıb. Serik Jumangarin bildirib ki, bizim ortaq vəzifəmiz təkcə ticarət həcmini artırmaq deyil, həm də maneələri tədricən aradan qaldırmaq, ticarət prosedurlarını sadələşdirmək, elektron ticarəti inkişaf etdirmək və sahibkarların qonşu ölkələrin bazarlarına daxil olmaq imkanlarını genişləndirməkdir.

Baş nazirin müavini qarşılıqlı ticarətin genişləndirilməsini, nəqliyyat və logistika kommunikasiyalarının inkişafını və yüksək keyfiyyətli investisiyaların cəlb edilməsini regional əməkdaşlığın əsas sahələri hesab edib.

O bildirib ki, Qazaxıstan həmçinin nəqliyyat dəhlizlərinin tutumunun artırılması, dəmir yollarının və avtomobil yollarının modernləşdirilməsi və multimodal nəqliyyatın inkişafı üzərində işləyir.

Jumangarin sözlərinə görə, Qazaxıstanın MDB ölkələrinə yatırdığı investisiyaların həcmi 4 milyard dolları keçib. Qazaxıstanda bu region ölkələrindən 28 mindən çox müəssisə və 2,5 mindən çox birgə müəssisə qeydiyyatdan keçib.

Süleyman