Azərbaycanın qlobal investisiya məkanında artan rolu
26 sentyabr 2026-cı il tarixində Azərbaycan Respublikasının Prezidenti İlham Əliyev Bakıda keçirilən II Azərbaycan Beynəlxalq İnvestisiya Forumu çərçivəsində təşkil olunan tədbirdə iştirak edib və moderatorun suallarını cavablandırıb. Dövlətimizin başçısı çıxışı zamanı Azərbaycanın investisiya imkanları, iqtisadi inkişafı, enerji potensialı, nəqliyyat və rəqəmsal bağlantılar, eləcə də ölkədə formalaşdırılmış investisiya mühiti barədə fikirlərini bölüşüb.
Prezident İlham Əliyev Azərbaycanın beynəlxalq investorlar üçün təhlükəsiz və sabit tərəfdaş kimi mövqeyinin möhkəmləndirilməsinin, uzunmüddətli investisiyaların cəlb edilməsinin və qabaqcıl texnologiyaların ölkəyə gətirilməsinin əhəmiyyətini vurğulayıb.
Çıxışda qeyri-neft-qaz sektorunun inkişafı, enerji sahəsində Azərbaycanın artan rolu, insan kapitalının formalaşdırılması və beynəlxalq şirkətlərlə əməkdaşlığın genişləndirilməsi məsələlərinə də diqqət yetirilib.
Dövlətimizin başçısı bildirib ki, Azərbaycanın qarşıdakı dövrdə əsas hədəflərindən biri ölkənin investisiya potensialının daha da genişləndirilməsi, yeni tərəfdaşlıqların qurulması və iqtisadi inkişafın dayanıqlı əsaslar üzərində davam etdirilməsidir. II Azərbaycan Beynəlxalq İnvestisiya Forumu çərçivəsində keçirilən görüşlər Azərbaycanın beynəlxalq iqtisadi əməkdaşlıq imkanlarının təqdim olunması və investorlarla yeni əlaqələrin qurulması baxımından mühüm platforma kimi diqqət çəkib.
Sara Hüseynova
YAP Yevlax rayon təşkilatının fəalı