​Bakıda Prezident İlham Əliyevin himayəsi altında təşkil olunan II Azərbaycan Beynəlxalq İnvestisiya Forumu ölkənin iqtisadi inkişaf tarixində yeni və mühüm bir mərhələnin başlanğıcını qoydu. Dünyanın aparıcı maliyyə institutlarının, nüfuzlu investisiya fondlarının və qlobal şirkətlərin rəhbərlərini bir araya gətirən bu mötəbər tədbir Azərbaycanın yalnız regional değil, həm də qlobal miqyasda etibarlı tərəfdaş kimi mövqeyini bir daha nümayiş etdirdi. Forum çərçivəsində keçirilən tədbirdə dövlət başçısının səsləndirdiyi fikirlər, təqdim olunan statistik göstəricilər və gələcəyə hesablanmış strateji baxışlar ölkə iqtisadiyyatının keçdiyi inkişaf yolunun miqyasını açıq şəkildə ortaya qoydu.
​Tədbir zamanı aparılan müzakirələrin mərkəzində Azərbaycanın son illərdə əldə etdiyi misilsiz iqtisadi transformasiya dayandı. Səsləndirilən rəqəmlər ölkənin qısa zaman kəsiyində nəhəng bir tərəqqi yolu keçdiyini təsdiqləyir: ÜDM-in dəfələrlə artması, adambaşına düşən gəlirlərin yüksəlməsi və yoxsulluq səviyyəsinin kəskin şəkildə aşağı enməsi həyata keçirilən sosial-iqtisadi siyasətin effektivliyini göstərir. Xüsusilə Dövlət Neft Fondunun aktivlərinin dəfələrlə artması ölkənin maliyyə təhlükəsizliyinin təmin olunmasında və makroiqtisadi sabitliyin qorunmasında həlledici rol oynayıb. Bütün bu göstəricilər təsadüfi xarakter daşımır; əksinə, illər boyu ardıcıl şəkildə həyata keçirilən düşünülmüşislahatların, şəffaf idarəçiliyin və güclü siyasi iradənin məntiqi nəticəsidir.
​Cənab Prezident çıxışında təkcə keçmişin uğurları ilə kifayətlənmədiklərini, əsas diqqətin gələcək hədəflərə və yeni iqtisadi çağırışlara yönəldiyini vurğuladı. Müasir dövrdə qlobal iqtisadiyyatın transformasiya keçirdiyi və enerji təhlükəsizliyinin prioritetə çevrildiyi bir şəraitdə Azərbaycan yeni inkişaf paradiqmalarını işləyib hazırlayır. Bu kontekstdə qeyri-neft sektorunun şaxələndirilməsi, xüsusilə də bərpaolunan enerji mənbələrinin inkişaf etdirilməsi ölkənin strateji yol xəritəsinin əsas tərkib hissəsini təşkil edir. Ölkənin malik olduğu nəhəng yaşıl enerji potensialı – xüsusilə Xəzər dənizinin Azərbaycan sektorunda mövcud olan gigavatlarla ölçülən külək və günəş enerjisi ehtiyatları qlobal investorların diqqətini cəlb edir.
​Dövlət başçısı vurğuladı ki, mövcud enerji ötürücü infrastrukturlarının genişləndirilməsi və yeni transkontinental layihələrin icrası gələcək iqtisadi artımın təmin edilməsində əsas katalizator rolunu oynayacaq. Azərbaycan artıq ənənəvi enerji ixracatçısından regional və transmilli miqyaslı yaşıl enerji dəhlizlərinin yaradıcısına çevrilməkdədir. Bu isə ölkəyə cəlb olunan xarici investisiyaların keyfiyyətini dəyişir, kapital axınının yüksək texnologiyalar və innovativ sahələrə yönəlməsini şərtləndirir.
​II Azərbaycan Beynəlxalq İnvestisiya Forumu bir daha sübut etdi ki, ölkəmizdə mövcud olan siyasi sabitlik, əlverişli biznes mühiti və qanunvericilik bazası qlobal sərmayəçilər üçün etibarlı zəmin yaradır. Azərbaycanın təqdim etdiyi bu inkişaf modeli təkcə yerli iqtisadiyyatın deyil, həm də bütün regionun loqistik, nəqliyyat və enerji xəritəsini yenidən formalaşdırır. Prezident İlham Əliyevin rəhbərliyi ilə müəyyənləşən strateji hədəflər Azərbaycanın yaxın onilliklərdə də qlobal investisiya məkanında əsas cazibə mərkəzlərindən biri olaraq qalacağını qəti şəkildə təsdiqləyir.
Orxan Baxşəliyev
YAP Yevlax rayon təşkilatının fəalı