2026-cı ilin sentyabr-oktyabr ayları ərzində Qazaxıstan xaricə 2,262 milyon ton yeni yığılmış taxıl ixrac edib.

Newscenter.az "Kazinform"a istinadən bildirir ki, bu barədə Qazaxıstan Kənd Təsərrüfatı Nazirliyi məlumat yayıb. Məlumata görə, bu göstərici ötən mövsümün eyni dövrü ilə müqayisədə 2% çoxdur.

"Qazaxıstan Dəmir Yolu" SC-nin məlumatına görə, ötən ilin eyni dövründə 2,219 milyon ton taxıl ixrac edilib. Həm ənənəvi bazarlarda, həm də digər istiqamətlərdə tədarükdə artım müşahidə olunub.

Ənənəvi ixrac bazarlarına göndərişlər 1,2% artaraq 1,43 milyon tona çatıb. Xüsusilə, Özbəkistana göndərişlər 1,3% artaraq 1,063 milyon tona, Tacikistana isə 19% artaraq 351 min tona çatıb.

Çin və Əfqanıstan bazarlarında da əhəmiyyətli artım müşahidə olunub. Çinə taxıl ixracı 2,6 dəfə artaraq 145.000 tondan 373.000 tona, Əfqanıstana isə 1,9 dəfə artaraq 104.000 tondan 200.000 tona çatıb.

Süleyman