Çərşənbə, 1 dekabr 2021, 23:17:05  
Sizin Reklam Burada.

Avropa sanksiyaları Ermənistanın Hava Yolları Şirkətinin işini iflic edib

Avropa sanksiyaları Ermənistanın Hava Yolları Şirkətinin işini iflic edib


Avropa ölkələrinin bəzilərinin Rusiyaya sanksiyalarına görə bir çox icarədar aviaşirkətlər öz təyyarələrini geri çağırmağa başlayıblar ki, bu da Ermənistan üçün problemlər yaradıb.

Newscenter.az-ın məlumatına görə, bu barədə “Report” Ermənistanın mətbuatına istinadən xəbər verir.

Ermənistanın aviaşirkətinin direktoru Gevorq Xaçatryan bildirib ki, yerli hava yollarının bir neçə reysi təxirə salınıb, səbəb Avropa sanksiyalarıdır.

Onun sözlərinə görə, aviadaşıyıcılarda layner çatışmazlığı yaşanır ki, bu da uçuşların vaxtında təşkilinə problem yaradır və müntəzəm reyslərin gecikməsinə səbəb olur.

Xaçatryan bildirib ki, şirkətin Moskva və Hurqada planlaşdırılan reysləri məhz bu səbəbdən ləngiyib. O, yaranmış narahatlığa görə üzr istəyib, bildirib ki, sərnişinlərə bütün təzminatlar ödəniləcək.
Xəbəri paylaş