Çərşənbə, 1 dekabr 2021, 23:17:05  
Sizin Reklam Burada.

“Vergi Məcəlləsi”nə edilən dəyişikliklər stimullaşdırıcı xarakter daşıyır -ÖZƏL

“Vergi Məcəlləsi”nə edilən dəyişikliklər stimullaşdırıcı xarakter daşıyır


Ölkədə davamlı olaraq iqtisadi sahədə həyata keçirilən islahatlar mövcud qanunların, normativ hüquqi aktların beynəlxalq normalara uyğunlarşdırılması məqsədi daşıyır. Eyni zamanda bu dəyişikliklər vətəndaşlarımız üçün də mühüm əhəmiyyət kəsb edir. Bu mənada "Vergi Məcəlləsi"nə təklif edilən dəyişikliklər də diqqət çəkir.

Newscenter.az-ın xəbərinə görə, illət vəkili Vüqar Bayramov deyib ki, “Vergi Məcəlləsi"nə təklif edilən dəyişikliklərə əsasən, gələn ildən ƏDV-ni geri al qaydalarının dəyişdirilməsi nəzərdə tutulur:

"Nağdsız əməliyyatların stimullaşdırılması məqsədilə geri qaytarılan ƏDV-nin nağd əməliyyatlara görə 10 faizdən 5 faizə endirilməsi, nağdsız əməliyyatlara görə isə 15 faizdən 17,5 faizə qaldırılması təklif olunur. Təqdim edilən dəyişikliklər dünən Milli Məclisin İqtisadi Siyasət, Sənaye və Sahibkarlıq Komitəsinin iclasında ikinci oxunuşda müzakirə olundu. Təbii ki, dəyişikliklər qeyri-nağd ödənişlərinin stimullaşdırılması baxımdan vacibdir".

O deyib ki, ƏDV-ni geri al mexanizmində əsas məqsəd də məhz vətəndaşlarda plastik kartlardan istifadə vərdişlərinin genişləndirilməsi və institutsional olaraq nağdlı hesablaşmaların minimumlaşdırılması məqsədi daşıyır. Bu iqtisadiyyatın ağardılması islahatlarının dərinləşdirilməs baxımdan vacib idi:

"Bununla yanaşı, komitə iclasında müzakirələr zamanı nağdsız əməliyyatlara görə qaytarılan ƏDV-nin 15 faizdən 17,5 faizə deyil, 20.0 faizə atırılmasını təklif etdim. Nağdlı ödənişlər üzrə 5.0 faiz bənd azalmanın olduğunu nəzərə alsaq nağdsız ödənişlər üzrə oxşar həcmdə artım məqsədəuyğun olardı. Bu plastik kartlardan istifadəyə marağı daha da artırardı. Bütövlükdə, “Vergi Məcəlləsi”nə edilən dəyişikliklər stimullaşdırıcı xarakter daşıyır və dəyişikliklər real sektorun yeni güzəştlərdən faydalanmasına imkan yaradacaq".

Sevinc
[related-news] [/related-news]