Fransanın keçmiş prezidenti Nikolya Sarkozinin vəkilləri korrupsiya ittihamı ilə mühakimə olunduğu “telsiz dinləmə işi” üzrə müvəkkillərinə verilən 3 illik həbs cəzasından apellyasiya şikayəti verəcək.
Newscenter.az trthaber-ə istinadən bildirir ki, “Franceinfo” yayımı bu barədə xəbər verib.
Qeyd edək ki, 2014-cü ildə Sarkoziyə qarşı açılmış cinayət işinə görə, keçmiş prezident dinləmələrin məxfilik prinsipini pozub. Məhkəmə Sarkozinin həbs cəzasını evində elektron qandalla çəkməsinə və 3 il müddətinə seçilmək hüququ da daxil olmaqla, bütün vətəndaş hüquqlarından məhrum edilməsinə qərar verib.
Mehman Mehdiyev
