Sloveniya son 32 ilin ən böyük fəlakətini yaşayır.

Newscenter.az trthaber-ə istinadən bildirir ki, buna səbəb şiddətli yağışlar və bundan dolayı baş verən sel daşqınıdır. Məlumata görə, ölkənin üçdə ikisini əhatə edən təbii fəlakət indiyə qədər təxminən 500 milyon avro ziyan vurub.

Sel daşqınları səbəbindən minlərlə insan köməksiz vəziyyətdə evlərində qalıb. Ölkənin kənd təsərrüfatı ciddi zərərlə üzləşib, əkin sahələri sel suları altında qalıb.

Rəsmilər bildirirlər ki, Sloveniya 1991-ci ildə müstəqillik əldə etdikdən sonra ilk dəfədir belə geniş miqyaslı təbii fəlakətlə qarşılaşır.

Mehman Mehdiyev