Əksər ərzaq məhsulları kimi şəkərin və çayın qiymətində də dünya bazarlarında artım qeydə alınıb.

Newscenter.az Kənd Təsərrüfatı Nazirliyinin Aqrar Xidmətlər Agentliyinə istinadən bildirir ki, 2023-cü ilin sentyabr ayında şəkərin dünya bazarı qiyməti əvvəlki aya nisbətən 9.8% artaraq 0.58 ABŞ dolları/kq səviyyəsinə qalxıb. Eyni zamanda şəkərin qiyməti keçən ilin müvafiq dövrü ilə müqayisədə də artıb. Belə ki, 2022-ci ilin sentyabr ayında şəkərin dünya bazarındakı qiyməti 0,39 dollar olub.

Sentyabr ayında çayın 1 kiloqramının dünya bazarı qiyməti əvvəlki ayla müqayisədə 0.4% artaraq 2.85 ABŞ dolları
səviyyəsində qərarlaşıb. Keçən ilin müvafiq dövrü iilə müqayisədə də isə çayın qiymıti aşağı düşüb. Belə ki, 2022-ci ilin sentyabr ayında çayın 1 kiloqramının dünya bazarı qiyməti 3,33 dollar təşkil edib.

Anar TAGİYEV