Türkiyədə sərnişin avtobusunda yanğın olub.

Newscenter.az trthaber-ə istinadən bildirir ki, hadisə Aydının Söke rayonunda qeydə alınıb. Belə ki, Muğla-İzmir istiqamətində hərəkətdə olan sərnişin avtobusunda naməlum səbəbdən yanğın baş verib.

Sərnişinlər qorxu və həyəcan içərisində avtobusu tərk ediblər. Hadisə baş verdikdən qısa müddət sonra bölgəyə yanğınsöndürənlər, polis və tibb qrupları göndərilib.

Avtobus tamamilə yanaraq yararsız hala düşüb. Yanğın zamanı ölən və yaralanan olmayıb. Hadisə ilə bağlı araşdırma davam edir.

Anar TAGİYEV