Bu ilin sentyabr ayında Türkiyədə ödənişlə (muzdla) çalışan işçilərin sayında artım qeydə alınıb.

Newscenter.az Türkiyənin Statistika Təşkilatına istinadən bildirir ki, daha çox sənaye, tikinti və ticarət-xidmət sahələrində muzdlu işçilərin ümumi sayında artım baş verib. Belə ki, sentyabr ayında əvvəlki ilin eyni ayına nisbətən bu sektorda çalışan muzdlu işçilərin sayı 3 faiz artıb.

Qeyd edilib ki, sənaye, tikinti və ticarət-xidmət sektorlarında keçən ilin sentyabr ayında 14 milyon 926 min 919 nəfər olan muzdlu işçilərin sayı bu ilin eyni ayında 15 milyon 374 min 379 nəfərə yüksəldi. .

Natiq Orucov