Avtomobil və yüngül ticari vasitə bazarı ilin ilk yarısında 3,7 faiz artıb.

Newscenter.az Türkiyə Statistika Təşkilatına istinadən bildirir ki, yanvar-iyun ayları ərzində avtomobil satışları bir əvvəlki ilə görə 7,3 artaraq 462 min 955 ədəd, yüngül ticari avtomobil bazarı isə 8,7 azalaraq 115 min 26 ədəd təşkil edib.

2024-cü ilin yanvar-iyun ayları ərzində Türkiyənin cəmi avtomobil və yüngül ticari vasitə bazarı əvvəlki ilin eyni dövrünə görə 3,7 artaraq 577 min 981 ədədə çatıb.

İyun ayında avtomobil və yüngül ticari vasitə bazarı 2023-cü ilin eyni ayına görə yüzdə 5,3 azalaraq 106 min 238 ədədə düşüb.

Natiq Orucov