"İran prezidenti M. Pezeşkian sabiq xarici işlər naziri C. Zərurini strateji məsələlər üzrə vitse-prezident təyin edib. H. Ruhani hökumətində C. Zərif Qərblə İran arasında aparılan danışıqlarda müsbət nailiyyətlər əldə etmişdir. Həmçinin C. Zərif Qərblə əlaqələrin normallaşmasının tərəfdarıdır. Bununla rəsmi Tehran Qərblə danışıqlarda maraqlı olduğunu mesajını vermiş olub. İranın Ukrayna müharibəsində Rusiyanın yanında yer alması, İsraillə onun proksi qüvvələri arasında müharibənin başlaması İranın Qərblə əlaqələrinin normallaşmasında suallar yaradır".

Newscenter.az xəbər verir ki, bunu politoloq Məhəmməd Əsədullazadə səsləndirib. O bildirib ki, İran prezidentinin inaqurasiya mərasiminə qatılan HƏMAS-ın siyasi Bürosunun lideri İsmayıl Haniənin İsrail tərəfindən öldürülməsindən sonra İranın İsraildən qisas alacağı aktuallaşıb:

"Bununla da Qərblə əlaqələr kifayət qədər gərginləşib. Amma, ABŞ -ın İrana xüsusi nümayəndə göndərməsi, eskalasiyadan çəkinməsi fonunda nüvə anlaşması üzrə danışıqlar aparacağı kimi gizli anlaşma əldə edildiyi də istisna deyil.

İranın yeni islahatçı komandasi Qərblə anlaşma etməyi hədəfləyir. Amma, ABŞ və Qərb İranın Rusiya və Çindən uzaqlaşması fonunda tam iqtisadi sanksiyaların aradan qaldırılmaması fonunda mümkün deyil. Əgər, İran Rusiya və Çinlə strateji tərəfdaşlığı dayandırsa, Yaxın Şərqdə proksi qüvvələri buraxarsa, Qərb İran anlaşması mümkün olacaq.

Amma, Tehranın Qərbin şərtlərinə əməl etməyib, yalnız nüvə sazişinin bağlanması fonunda sanksiyaların aradan qaldırılmasını tələb edəcəksə, danışıqlar mümkün olmayacaq. Bununla da yeni prezidentin Qərblə açılım siyaəti baş tutmayacaq".


Politoloq deyib ki, İslam İnqilabı Keşikçilər Korpusu ( SEPAH ) ölkənin iqtisadiyyatına, siyasətinə nəzarət edəcəksə, Qərblə İran arasında normal əlaqələr mümkün görünmür:

"Bu İran Azərbaycan əlaqələrinə də şamildir".

Süleyman